Нямбай залуу “Би түүний амьдарч дассан тэр урлагийнхны замбараагүй байдлыг тэвчиш чадах болов уу?”, шар шувуу-бүсгүй “Тэр ярьдаг шигээ үнэхээр төгс бор шувуу мөн үү?” гэж гайхшаа барна. Хамтын амьдралын эхний шатанд нөгөө хүндээ төрүүлсэн төсөөллийг нураачих вий гэсэн айдаст автсан бид хамтрагчийнхаа урмыг хугалахаас, өөрсдөө хууртахаас айж байдаг. Хамтын амьдралд урьдын адил зөвхөн хамгийн сайн талуудаа үзүүлэх боломжгүй, хоёр тал хоёулаа цэсээ цухуйлгаж эхэлнэ.

Танд зөвлөхөд:

Таагүй сюрпризүүдээс зугтахын тулд нэг дээвэр дор орох гэж тэгтлээ адган яарах хэрэггүй. Харьцаагаа шалгах шилдэг арга бол эхлээд амралтаа цуг өнгөрөөх явдал. (Зочид буудал, зуслан, аяны майхны аль нь ч болно). Нэгнийх нь амьдрал нөгөөгүйгээрээ элсэн цөл шиг санагддаггүй, хэнээс ч хамааралгүй, дээд зэргийн эрх чөлөөтэй хоёр хүний харьцаа л хавьгүй бөх байдаг юм. Хамтдаа байх болсноор харьцаа тань хэрхэн хөгжиж, юу нь өөрчлөгдөж, цугтаа юуг бүтээв гэдэг асуултанд үе үе хариулж байгаарай. Ингэснээр “Бид хоёулаа болон тус тусдаахарьцааныхаа ямар түвшинд байна вэ?” гэсэн хамгийн гол асуултын хариуг олоход хялбар болно. Та хоёрын харьцааны ямар нэг зүйлийг дахин эргэж харах хэрэгтэй ч болж магад, энэ нь үргэлж тийм ч таатай байдаггүй. Та ганцаараа сууж байгаад урьд өмнөх дурлалын явдлуудаа нэхэн сана. Та ингэхэд юунаас айдаг байсан бэ? Таны айдас үнэхээр бодит үндэслэлтэй байсан уу? Энэ айдсаа даван туулсан үеэ дахин эргэцүүл. Энэ бүхэн одоогийнхоо хүнтэй байхдаа харьцааны хурц өнцгүүдийг тойрч гарахад тань тусална.